Спорт кешеләргә сәламәтлек, көч, матурлык, күтәренке рух алып килә, холыкны чыныктыра һәм авырлыкларны җиңәргә өйрәтә. Районыбыз тормышы һәм гомумән, барлык төр чаралар да ярышлар, төрле бәйгеләр, спорт фестивальләре, оешма-учреждениеләр арасында уза торган спартакиадалар белән үрелеп бара. Спортка караш елдан-ел арта, сәламәт яшәү рәвешен пропагандалау буенча район администрациясе, яшьләр эше һәм спорт бүлеге җитәкчелеге тарафыннан максатчан эшләр башкарыла. Менә шәһәр стадионында шугалак барлыкка килү шуның ачык бер мисалы. Бу шугалакта теләге булган һәркем теләсә кайсы вакытта тимераякта шуа ала. Ачык һавадагы шугалакны ачу бик куңелле үтте. Тренер Абдрахманов Илнур үзенең яшь хоккеистлары белән "Күңелле стартлар" уены үткәрде. Аңа директор урынбасары Таджибаева В.Р., тренерлар Саляхов Марат, Хакимзянов Рамил, Фазылзянов Илшат ярдәм иттеләр. Каникулда, бәйрәм ялларында күбрәк саф һавада йөрергә, хәрәкәтләнергә тырышыгыз, стадионга рәхим итегез.