1944 нче  елның  27 нче  гыйнвары - Ленинград  шәһәрен  фашист  блокадасыннан  тулысынча  азат  итү  көне. 872  көнгә  сузылган  бу    чор кешелек  тарихында  иң  куркыныч  вакыйгаларның  берсе. Мәктәбебезнең  "Алдынгылар  хәрәкәте"нә  керүче  укучылар  Шакирова Д.К. белән  берлектә  "Блокада  Ленинграда  глазами  детей" фильмын  карадылар,фикер  алыштылар.

25 гыйнвар Россия Федерациясе Президенты Указы белән рәсми рәвештә "Россия студентлары көне" игълан ителде. Бәйрәм хөрмәтенә мәктәпне тәмамлаган югары , урта һөнәри уку йорты студентларын "Сыйныфташлар очрашуы"на чакырылды. Студентларыбыз үзләренең уку юнәлеше, студент тормышы турында сөйләделәр. Очрашу бик күңелле һәм кызыклы үтте.

Мәктәбебезнең  7 нче  класс  укучысы    Гыйззәтуллин  Алмаз  Арча  районы  җыелма  командасы  составында  "Сабантуй"  журналы  призына  көрәш  буенча  Татарстан  Республикасы  Беренчелегендә  катнашты.

"Туган  телем  сагында" акциясе  кысаларында  югары  сыйныф  укучылары  халкыбызның  җырлы-биюле  уеннарын  өйрэнделәр.

Бүген мәктәбебез  территориясен  озакка  сузылган  бураннардан  соң  кардан  чистарту  буенча  өмә  булды.Бу  эштә  өлкән  класс  укучылары, укытучылар  һәм  техник  хезмәткәрләр  зур  тырышлык  куйдылар.

Традицион  дүшәмбе  линейкасыннан  соң "Разговоры  о  важном"  әңгәмәләр  циклының чираттагысы  үтте.Ул  Ленинград  шәһәрен  фашист    блокадасыннан  азат  итүнең  80 еллыгына   багышланды.

"Тату  сыйныф  серләре"  конкурсында  катнашкан 5 класс  укучылары  район  Мәгариф  бүлеге  сертификаты  белән  бүләкләнделәр.

Мөхетдинов  Әнгам-Питрәчтә  2008-2009 нчы  елгы  малайлар  арасында  көрәш  буенча  узган  ачык  турнир  җиңүчесе. 

"Разговоры о важном"  класстан  тыш  шөгыленең  чираттагысы  "Налог  грамоталылыгы" темасына  багышланды.

Укучыларыбыз  Мөхетдинова  Назгөл( 4 класс) һәм  Мөхетдинова  Зәлинә (5 класс)  татар  теленнән  республика олимпиадасына  әзерләү  буенча  укуда  катнаштылар.