15 нче февраль көнне Арча стадионында укучыларның кышкы сессия ГТО нормаларын тапшыру булды.

14нче февраль көнне мәктәбебездә 1-4 сыйныф укучылары арасында герой – шагыйрь Муса Җәлил иҗатына багышланган кичә үткәрелде. Кичә укучыларның чыгышы белән башланып китте. Алар Муса Җәлилнең шигырьләрен сөйләделәр, җырлар җырладылар. Кичәнең икенче өлешендә шагыйрьнең тормыш юлына һәм иҗатына багышланган брейн-ринг үткәрелде. Укучылар уен барышында “Карак песи” һәм “Бәхет” командаларына бүленеп, Муса Җәлилнең биографиясе һәм иҗаты буенча үзләренең тапкырлыкларын һәм зирәклекләрен сынадылар. Презентация нигезендә укучылар төрле кызыклы сорауларга җаваплар бирделәр. Уенда ике команда да актив катнашты.

Бүген  Наласа урта  мәктәбенең  1 класс укучылары хезмәт ветераны Халиуллин Шамил  абый белән очрашу уздырдылар. Кичә бик күңелле, эшлекле, дустанә атмосферада узды. Шамил  абый үзенең күңелендә калган истәлекләре белән уртаклашты.  Арабызда шундый ветераннар булуына без чиксез шат.

Класс җитәкчеләре конкурсында Гөлия Мидехатовнаны уңышы белән котлыйбыз. Тату сыйныф серләре конкурсында 5 сыйныф әти-әниләре комитеты районкүләмендә 3 урын яуладылар. Молодцы!

Шул уңайдан , 5-8 нче сыйныфларда тәрбия сәгатьләре үтте. Укучылар герой-пионерлар, аларның батырлыклары белән таныштылар. Һәр герой-пионерга багышланган чыгышлар ясадылар. Батырларыбызны онытмыйк!

Казан шәһәренең олимпиада үзәгендә 31нче гыйнвардан 2 февраль көннәрендә татар мәктәпләре арасында уздырылган татар әдәбиятыннан республика олимпиадасында мәктәбебездән 10 нчы сыйныф укучысы Рәхимова Алина  катнашты һәм призлы урынга лаек булды. Алинәне котлыйбыз һәм киләчәктә дә  уңышлар телибез.

Бүген мәктәбебездә тәрбия дәресләре дуслык темасына багышланды.  1 класс - "Дуслык белән көчле без!" (әңгәмә); 2,4 класслар - "Кеше дуслык белән көчле."(түгәрәк өстәл). Мондый тәрбия дәресләре укучыларыбызга дуслык сүзенең мәгънәсенә төшенергә, дуслыкның кадерен белергә, узара ныгытып бер-берсенә карата шәфкатьле, мәрхәмәтле булырга өйрәтә.

Казан шәһәренең олимпиада үзәгендә 29-31нче гыйнвар көннәрендә татар мәктәпләре арасында уздырылган татар теленнән республика олимпиадасында мәктәбебездән 5 нче сыйныф укучысы Хәсәнова Ильмира һәм 10нчы сыйныф укучысы Нәҗметдинова Камилә катнаштылар. Хәсәнова Ильмира призлы урынга лаек булды. Укучыларыбызны уңышлары белән котлыйбыз.

31 нче гыйнвар көнне Арча башкарма комитеты  аппаратының әйдәп баручы белгече Нигъматуллин Мансур Камбилевич 5-10 класс укучыларына "Балигъ булмаганнар арасында җинаять һәм хокук бозуларны булдырмау" дигән темага әңгәмә үткәрде.