Проект " Су - яшәү чыганагы".Бурычлар: гади тәҗрибәләр  һәм уеннар аша балаларның су үзенчәлекләре турындагы белемнәрен арттыру, киңәйтү. Суга хөрмәт,  сакчыллык тәрбияләү. Тормышта елга һәм чишмәләрнең  әһәмиятен аңлату, сүз байлыгын үстерү. 2016 ел -  Татарстанда елга һәм сулыкларны саклау елы. Без бүгеннән"Су - яшәү чыганагы" исемле проект  буенча эшчәнлекләр һәм тәрбия чаралары алып барабыз. Мәктәпкәчә яшьтәге баланың иң яраткан шөгыле - тәҗрибәләр үткәреп, аның нәтиҗәсен үз күзләре белән күрү һәм үз куллары белән тотып карау. Без дә бүген балалар белән "Суның төрле халәтләре"  темасы астында төрле тәҗрибәләр үткәрдек. Суның төсе, исе, формасы турында әңгәмә кордык. Кар һәм бозның ничек барлыкка килүен аңладык, аларның кайсы тизрәк эреп бетүен һәм эрегән суның нинди төстә булуын күзәттек, чагыштырдык. Безнең әле тагын "Пар да шул ук су", "Боз", "Сыек суның формасы" һәм башка тәҗрибәләр үткәрәсе бар."Безнең чишмәләр" темасына сөйләм үстерү эшчәнлеге , "Диңгез һәм анда яшәүчеләр","Су салырга чүлмәк" темасына иҗади сәнгать эшчәнлеге, "Суның үзлекләре" темасына танып -  белү эшчәнлеге, "Кечкенә һәм зур бокаллар темасына кисеп - ябыштыру эшчәнлеге һәм "Түкми тутыр" уен - эстафетасын үткәрергә планлаштырабыз.