Көн саен бакчабызда гриппка каршы профилактик чаралар үткәрәбез. Өстәл, шкаф һәм тәрәзә төпләренә суган, сарымсак турап куйдык. Аларны гел яңартып торабыз. Балалар да сарымсаклы муенсалар киеп йөриләр.Балалар белән тиешенчә саф һавада булырга тырышабыз, аларның һава торышына карап киенүенә игътибар итәбез. Бит - кулларны бүлмә температурасындагы су белән юабыз, чисталыкка аеруча нык игътибар итәргә кирәклегенә төшендерәбез. Яшелчә тиешле нормаларга таянып ашатыла. Өйдә дә шушы кагыйдәләрне төгәл үтәргә кирәклеген әти - әниләргә аңлату эшләре алып барабыз.