Табигать почмагында эшләргә яратабыз. Гөлләрнең яфракларын юеш чүпрәк белән сөртәбез, төпләрен йомшартабыз, су сибәбез, өсләреннән су бөркеп, коендырабыз. Май аенда ук чәчәк атсын өчен петуния орлыклары чәчтек. Аның үсешен игътибар белән күзәтәбез.Менә бүген суган утырттык. Һәр бала үзенең суганын туфрак белән күмеп куйды, сулар сиптек тә тәрәзә төбенә,  яктылык күп төшкән урынга урнаштырдык. Без аның үсүен күзәтербез. Аннан соң, яшел кыяклар белән сыйланырбыз.