Безнең балалар китапханәгә бик теләп йөриләр. Чөнки анда яңа, матур балалар китаплары бик күп. Ачык төсләр белән ясалган, зур һәм матур рәсемнәр белән бизәлгән китап кына мәктәпкәчә яшьтәге баланы үзенә җәлеп итә ала. Вак хәрефле, төссез рәсемле китаплар белән алар кызыксынмыйлар да. Хәзер инде балаларның бу таләпләренә җавап бирердәй китаплар бик күп чыгарыла. Без балалар белән шундый китапларны алып укыйбыз, танышабыз. Битләрен пычратмый, ертмый һәм  бөкләми генә карап,  китапханәчегә тапшырабыз.Шул ук вакытта китапханәче хезмәте белән дә танышабыз. Без бит бакчабызда " Китапханә" сюжетлы - рольле уенын уйнарга яратабыз.