Көндәлек тормышта янгын белән бәйле фаҗигалар гел булып тора. Бигрәк тә балалар катнашында һәм аларның шуклыклары аркасында килеп чыкканнары аяныч. Әле яши дә башламаган сабый янгында калып харап була, йорт - җир дә шактый зыян күрә. Якын кешеләренә күпме кайгы - хәсрәт килә. Шуңа күрә,  балалар бакчасында янгын куркынычсызлыгы кагыйдәләрен системалы өйрәтүгә нык игътибар бирәбез. Балалар белән "Кошкин дом" мультфильмын берничә тапкыр карадык һәм анализ ясадык, балаларның фикерләрен тыңлап, аларның ни дәрәҗәдә аңлауларын тикшердек. Бакчабыздагы һәр балага  әти - әнисе бәйләвечләр тегеп, әзерләп бирде. Янгын куркынычсызлыгы һәм гадәттән тыш хәлләр вакытында каушап, югалып калмаска, тиешле телефон номерын җыя һәм кирәкле кешеләрне тиз генә чакыра белергә өйрәтәбез. Бакчабызда  һәм  район буенча оештырылган конкурсларда катнашабыз. Әти - әниләр белән дә  даими эш алып барабыз,әңгәмәләр үткәрәбез, бакчабызда бергәләшеп төрле чаралар үткәрәбез. Эшләгән эшебезнең нәтиҗәсе  уңай булсын да, балалар сау - сәламәт булсын иде дип тырышабыз.