Балалар бакчабызга бик теләп йөриләр. Шуңа күрә, менә бүген дә, алар бакчага "мин беренче булып киләм", - диеп ашыгып, әти -  әниләрен дә ашыктырып килделәр.Бакчабыз балаларның шат авазларыннан гөрләп торды. Эшчәнлекләрдә дә бик актив катнаштылар. Яңа ел каникулларында үзләренең кайда булулары, нәрсәләр белән шөгыльләнүләре, нәрсәләр күргәннәрен сөйләделәр. Музыка эшчәнлегендә курчаклар белән яңа бию өйрәндек, "Паровозик" исемле музыкаль хәрәкәтле уен өйрәнә башладык. Ул балаларга бик ошады. Алар аны бик тиз отып алдылар. Рус теленә өйрәнү шөгылендә исә, үзләренең алган белемнәрен эш дәфтәрләрендә камилләштерделәр, ныгыттылар.