Әйе, әйе Кыш бабайның резиденциясе безнең күршедәге музей комплексында урнашкан икән бит! Менә, ниһаять без Кыш бабай һәм Кар кызы янына барып җиттек. Алар да безне көтеп торганнар икән, сөенеп, киң колач җәеп каршы алдылар. Бергәләшеп биедек, уеннар уйнадык, курчак театры спектакле карадык. Кыш бабай безгә үзенең йоклый торган караватын күрсәтте, Россиядәге Кыш бабайлар турында да кызык итеп сөйләде, үзенең хатлар укый торган өстәлен күрсәтте. Без әле тагын Кыш бабайның тылсымлы мичкәсенә  үзебезнең теләкләребезне әйтеп пышылдадык. Теләкләребез мондый: Яңа ел һәрберебезгә дә саулык, сәламәтлек, илләребезгә тынычлык, әти - әниләребез дә исән - сау, таза, тыныч, тигез булып , безне тәрбияләп, куанып яшәргә язсын иде. Балаларга бәхетле балачак һәм бәхетле киләчәк теләде безнең яраткан Кыш бабабыз, бик зур рәхмәт аңа. Ә без, бүгенге матур  мизгелләрдән илһам алып, әти - әниләребез белән өйләргә таралыштык.