Интерактив  уенчыклар тәрбия һәм белем бирүдә безнең аерылгысыз ярдәмчеләребез. Балалар өчен кызыклы булган бу уенчыклар  ана телебезне һәм рус телен өйрәнүдә зур булышлык итәләр. Балаларны әңгәмәдә катнашырга, куелган сорауларга ачык, аңлаешлы һәм тулы итеп җавап бирергә өйрәтүдә интерактив уенчыкларның әһәмияте бик зур. Шигырен дә өйрәтә,  җырлап та күрсәтә,  табышмак та әйтә, тизәйткечне дә кабатлата һәм иң кирәклесе балаларны тыңларга һәм тыңлаганны  аңларга өйрәтә. Шуңа күрә дә бу уенчыкларны мөмкин кадәр ешрак кулланырга кирәк.