Әгәр уйный белсәң, җәйге беседка да кышкы уеннар өчен ярап куя. Кыш көне без күбрәк кардан тәмле ризыклар "пешерергә", бер - беребезне һәм тәрбияче апаларны кунакка чакырып уйнарга яратабыз. Нинди генә тәм - том юк анда: кабартма, пироглар, гөбәдия, тортларның төрлесе, конфетлар,чәк - чәк һәм башка бик күп ризыклар. Мондый уеннар аша без балаларның  үзләре яратып ашаган ризыкларны кардан  дөрес итеп әвәләп, кунак булып килгән кешегә хөрмәт күрсәтә белергә өйрәтәбез. Шулай ук бер - берсенә дә хөрмәт хисе тәрбиялибез. Балалар бу уеннарда үзләренең активлыгын үстерәләр. Шуңа күрә дә бу уеннарны яратып уйныйлар.