Бүген безнең бакчабызда Көз бәйрәме - Сөмбелә бәйрәме үткәрелде.Бакчалардан көзге мул уңыш җыелып,иген кырлары бушап калгач үткәрелә торган бу бәйрәмне балалар көтеп алалар һәм бик яраталар.Чөнки бәйрәмгә әзерлек эшләре алдан башлана.Әти - әниләр белән берлектә балалар үзләре үстергән яшелчә, җиләк - җимеш арасыннан гади генә булмаганын эзләп алып,  бакчабызга алып киләләр.Ә без, үз чиратыбызда, шул оригиналь эшләрдән күргәзмә оештырабыз. Бүгенге бәйрәмебезгә дә бик күп эшләр китерделәр, бергәләп бакчада эшләгәннәре дә урын алды,күргәзмә генә түгел, конкурс булды."Әкияти көз" темасына рәсем күргәзмәсе дә оештырдык.Бәйрәмебезнең кунаклары булып башлангыч сыйныф укучылары керде. Алар безгә табышмаклар әйттеләр, бергәләп күмәк түгәрәк уеннары уйнадык,көз турында җырлар җырладык, сәнгатьле итеп шигырьләр сөйләделәр.Бәйрәм бик күңелле булды һәм барыбызга да ошады.