Бүген безнең бакчабызга подполковник, 3 нче ранг капитаны Абдуллаҗанов Хәмит Мәннаф улы  килде. Без аны балалар белән бергәләп Өлкәннәр көне уңаеннан кунакка чакырдык.Ул балалар алдында  бик эчтәлекле итеп чыгыш ясады. Аның  киемнәрен, формасын, медальләрен балалар кызыксынып карадылар. Хәмит Мәннаф улының балаларга сыйләгән һәр сүзе үтемле, гади, ачык һәм илебезне ярату, аны саклау һәм патриотизм хисләре белән сугарылган иде. Ул үзе су асты көймәсендә йөзгән. Ир - егет өчен никадәр батырлык, кыюлык, горурлык бу! Бакчабыз балалары, әлбәттә инде малайлар, аңа сокланып, аны яратып, аңа ошарга тырышып , йотлыгып тыңладылар.