Без балалар белән янәшәбездәге паркка экскурсиягә бардык. Бүген көн искиткеч матур иде. Агачларны ап - ак бәс сарган, җил дә бик әкрен генә исә, күк йөзе болытлы булса да, кышкы аклык бөтен җирне дә яктырта. Карның аклыгыннан хәтта күзләр камаша. Төрле агачлар үсеп утырган паркта әкияти матурлык хөкем сөрә. Менә - менә агачлар арасыннан ниндидер бер әкият герое килеп чыгар да, безне тылсымлы әкият дөньясына алып кереп китәр сыман тоела. Менә шундый уңай эмоцияләргә бай булды безнең бүгенге экскурсиябез.