Без бүген балалар белән кап - кара төстәге күмер кулланып, ап - ак кәгазь битенә кышкы бизәкләр ясадык. Балалар бик теләп һәм кызыксынып эшләделәр. Чөнки аларга күмер белән рәсем ясау бик ят нәрсә. Традицион булмаган предмет һәм ысул кулланып ясарга өйрәндек. Күмер белән ясаган вакытта уйлап эшләргә кирәк, чөнки ялгыш ясаган өлешләрен бозып, бетереп булмый. Балаларда тәвәккәллек тәрбияләнде, чиста - пөхтә эшләү күнекмәләре бирелде. Балалар эшнең нәтиҗәсен уңай бәяләделәр, үзләренә ошаган рәсемнәрне аерып алдылар.