Без балалар белән көн саен "Кошлар ашханәсендә" булабыз, җимлекләргә җимнәр салып, анда килгән кошларны күзәтәбез. Җимлекләргә күбрәк бездә кышлаучы кошлардан чыпчыклар килә. Алар ашыга - ашыга җим чүплиләр, ул арада як -  якларына каранып, хәвеф - хәтәрдән сакланалар. Алар бик әрсез һәм бик җитез кошлар икән, ничек дәррәү очып төшсәләр, шулай ук итеп очып та китәләр. Без аларны качып кына күзәтеп торабыз. Гәүдә төзелешләрен, каурыйларының төсен, аякларының формасын ачыкладык. Прогулкадан соң, җимлеккә килгән кошларны рәсемдә сурәтләдек.