Балалар бакчасында баланың үз - үзенә хезмәт күрсәтә белүенә аеруча зур игътибар бирелергә тиеш. Без үзебезнең балалар белән һәр эшчәнлек тәмамланлангач, үзебезнең эш урыныбызны җыештырабыз. Рәсем ясаганнан соң, карандашларны, буяулар савытына тутырып, җыеп куябыз,  пумалаларны чиста итеп юабыз, сөртеп, кибәргә куябыз. Пластилин белән эшләгәннән соң,  аскуйманы чистартабыз, пластилиннарны савытына тутырып куябыз, стекаларны пластилиннан арындырабыз. Физик культура эшчәнлегеннән соң, эшчәнлектә файдаланган бөтен нәрсәне спорт һәм сәламәтләнлек почмагына урнаштырып куябыз һ.б.,һ.б. Шулай итеп, балалар эш рәтенә өйрәнәләр, үз - үзләренә хезмәт күрсәтү күнекмәләре дә арта.