Татар халкының милли бизәкләре, киемнәре, эш кораллары, йорт җиһазлары һ.б. безнең өчен тарихи байлык һәм әби - бабаларыбыздан калган кыйммәтле мирас. Без шул байлыкны балаларыбыз белән дә өйрәнеп, халкыбызның үткәне белән аларны  таныштырырга, киләчәк буыннарга да илтеп җиткерергә тиеш. Чөнки үткәнен белмәгән халыкның - киләчәге юк. Без балалар белән альбомнар төзибез,милли бизәкләрне  кисеп ябыштыру, рәсем эшчәнлекләрендә төзибез, өйрәнәбез, алар белән яулыклар, алъяпкыч, читек, сөлге, күлмәкләр бизибез, татар халык  почмагына материал туплыйбыз.