Безнең балалар бакчасында балаларга уйнау өчен барлык шартлар да тудырылган. Бала бакчада уйнарга, уеннар аша тормышка өйрәнергә тиеш. Шуңа күрә дә, без балалар белән төрле уеннар уйныйбыз: сюжетлы - рольле уен, күмәк - түгәрәк уены, күмәк хәрәкәтле уен, өстәл уеннары һ.б. Уеннар -  бала тормышында гаять әһәмиятле роль уйныйлар. Бала никадәр күбрәк уйнаса, аның тормышка карашы дөрес формалаша.  Кече яшьтәге балалар белән без бергә уйныйбыз. Чөнки аларга уенда дөрес юнәлеш бирергә, уен белән идарә итәргә бер олы кеше кирәк. Бала һәрьяклап тәрбияне үзенең гаиләсендә ала, ә менә коллективта ул үсә, ныгый, чыныга. Балалар бер - берсенә юл куя белергә, дус - тату булырга, бер - берсен һәм өлкәннәрне хөрмәт итә белергә өйрәнәләр.