Балаларның сәламәтлеген ныгыту өчен саф һавада уеннар уйнауның әһәмияте бик зур. Беренчедән, аларның бер - берсе белән дуслыгы ныгый, кечкенәләрне ихтирам итәргә, аларга юл куя белергә өйрәнәләр. Икенчедән,  йөгерәләр, ярышалар, көләләр, шаяралар, үзләренең көчләрен сарыф итәләр, физик күнегүләр ясыйлар. Болар барысы да аларның сәламәтлегенә, чыныгуына уңай тәэсир итә. Шуңа күрә, прогулка вакытында балалар туйганчы уйнарга тиеш. Безнең балалар " Сукыр кәҗә", " Үрдәк атыш", " Туңдырыш", "Мәче һәм тычканнар", "Алырмын кош" уеннарын уйнарга яраталар.