Бүген без дүртебез  бергә өмәдә катнаштык. Балалар бакчасының территориясен, уен мәйданчыгын көн саен чистартып, җыештырып торабыз. Балалар белән дә аларның көче җиткән хезмәт белән шөгыльләнәбез, аларны хезмәт ярдәмендә тәрбиялибез. Без бүген кибеп ямьсезләнгән үлән, чәчәкләрне җыеп , бакчабызның мәйданчыгын чистарттык, чәчәк түтәлләрен казып чыктык, аларга күп еллык чәчәк орлыклары чәчтек һәм суганчалар утырттык. Хезмәтебезнең нәтиҗәсе белән балаларны да таныштырдык. Чәчәк газоннарын таптамый гына йөри, матурлыкны бергәләп булдыра һәм саклый белү күнекмәләрен ныгыттык.