Җәй айларында балаларның куркынычсызлыгын тәэмин итү, аларның исән - имин ял итүенә ирешү өчен, балаларны куркынычсызлык кагыйдәләрен истә тотып, һәрвакыт игътибарлы һәм сак була белергә өйрәтергә кирәк. Янгын куркынычсызлыгы кагыйдәләрен дә системалы кабатлап тору, төрле рәсемнәр карау, аларны анализлау, чагыштыру, төрле ситуацияләрне уңай чишә белү өчен бик файдалы. Кечкенә булсалар да, балалар да үз - үзләрен яклый һәм саклый белергә өйрәнергә тиеш. Ә менә без: тәрбиячеләр, әти - әниләр, өлкәннәр аларны өйрәтергә тиешбез. Балаларыбыз исән - имин булсын, хәвеф - хәтәргә юлыкмый гына, сау - сәламәт ял итеп килсеннәр!