Әле кайчан гына тәрәзә төбенә матур тартмаларга һәрберебез  суганнар утырткан идек. Инде алар менә шундый булып үсеп тә киләләр. Яшел кыяклар чыга башлау белән без аларны күзәтеп,  тәрбияләп тордык. Тиешле вакытта сулар сиптек, төпләрен йомшарттык. Хезмәтебезнең уңай нәтиҗәсен күреп, без бик шатланабыз. Пешекче Гөлнара апабыз безгә ул кыякларны ашка турап бирә. Кыш көне дә яшел витамин белән тукланабыз.