Татар халкының милли йолаларын өйрәнүне дәвам итеп, без бүген "Бишек җыры" өйрәндек. Кызларыбыз - булачак әниләр, алар үз балаларын бишек җыры көйләп йоклатырлар. Тыныч тондагы җыр, музыка кешенең психикасына уңай йогынты ясый: ул аны тынычландыра, авыр хисләргә бирелергә ирек бирми, ял иттерә. Борынгы әби - бабайларыбызның тәрбия алымнарына, халык педагогикасына игътибар итсәк, кечкенә бала белән әнисенең җыр аша аңлашуы, балага әнинең көйгә салынган теләкләр теләве, аларның бик җылы һәм якын мөнәсәбәте шушы "Бишек җырында" чагылыш тапкан. Яшь әниләр бишек җырлары җырлый белми бит хәзер. Ә без балаларга "Бишек җыры" өйрәтәбез. Хәзерге заман балалары бу җырларны чын күңелдән, яратып башкаралар. Үзләре чын бәби түгел, курчак тотып җырласалар да, шушы җансыз курчакларга алар җылы мөнәсәбәт урнаштыра беләләр.Күренеп тора, киләчәктә яхшы әни булачаклар!