Туган көн сабый чакның иң күңелле бәйрәмнәреннән берсе. Балалар бакчасында якын дуслар, тәрбияче апалар белән үткәрелгәне иң истәлеклесе булып күңелдә кала. Туган көн иясе матур итеп киенеп килә, аны бөтенесе котлый, бүләкләр бирә, ул үзе дә бакчага күчтәнәчләр белән килә, барысы бергә күңелле итеп чәй эчәләр, туган көне белән котлап "Ак калач", "Коймаклар"  уены уйныйлар, күп итеп бүләкләр бирәләр. Һәр кеше өчен дә бик күңелле була.