Җәй буе үстергән матур чәчәкләргә кырау төште. Участокны ямьсезләп тормасыннар өчен чәчәк газоннарын чистарттык, урыннарын казып куйдык. Балалар да бик теләп безгә ярдәм иттеләр. Шушы кечкенә генә хезмәттә катнашу аларга зур куаныч тудырды. Көчләреннән килгән кадәр олы кешеләргә булышу, бер - берсенә ярдәм итү, хезмәт процессының башыннан алып ахырына кадәр катнашу, башлаган эшне азагына кадәр эшләп бетерү, эшнең нәтиҗәсен күрә белү - тәрбия процессының иң әһәмиятле моментлары.