Балалар бакчасының режим моментларында балалар белән бик күп эшләр оештырыла. Без сюжетлы - рольле уеннар уйныйбыз, күмәк - түгәрәк уеннары уйныйбыз, матур әдәбият укыйбыз, әкиятләр сәхнәләштерәбез, яшь үзенчәлекләрен исәпкә алып һәр бала белән индивидуаль шөгыльләнәбез, мультфильмнар карыйбыз. Бүген без "Паровозик" җырлы - хәрәкәтле уенны камилләштердек. Аның сүзләре русча булганлыктан, хәрәкәтләрне дөрес, матур булырлык итеп, аңлап эшләргә кирәк. Балалар бу уенны бик яраталар һәм ритмлы музыкага хәрәкәтләрне бик теләп башкаралар.