Без бүген балалар белән көзге табигатькә экскурсиягә бардык. Һәр ел фасылының үз матурлыгы.  Шул матурлыкны карап, күзәтеп йөрдек, сокландык, төрле агач яфракларын җыйдык. Шул яфраклар белән "Үз агачыңны тап!" уены уйнадык. Агачларны бер - берсеннән аера, исемнәрен дөрес әйтә, яфракларның кайсы агачныкы икәнен әйтә белергә өйрәндек. Экскурсия вакытында алган тәэсирләрне бакчабызга кайткач ак кәгазь битенә матур, төсле буяулар белән сурәтләдек. Экскурсия безгә бик ошады.