Без данлыклы Тукай төбәге - Яңа Кырлай авылы балалар бакчасында эшләвебез белән горурланабыз. Бакчабызга йөрүче балалар да сөекле шагыйребез Тукай рухында тәрбияләнәләр. Шулай булмый мөмкин дә түгел. Чөнки, елның кайсы фасылында урамга чыксаң да, прогулка вакытындамы яки эшчәнлекләрдә шөгыльләнгән чактамы, һәрвакытта да Тукай эзләре буйлап  йөрүче кунаклар, алар белән шаярып йөрүче "чын" Шүрәле, Су анасы, Былтыр һәм башка әкият персонажларын очратырга мөмкин. Хәтта чит илләрдән дә киләләр. "Тере" язучылар, шагыйрьләрне дә күрү бәхетенә ирешәбез.Менә шуңа күрә дә инде безгә һәрвакытта да үзебезнең тирә -  юнебезне тәртиптә тотып, гел чиста - пөхтә булырга кирәк. Бакча территориясен  гел җыештырып, тәртипләп торырга тырышабыз Балаларыбызга да хезмәт тәрбиясе бирәбез, хезмәт белән тәрбиялибез.