Бакчабызда гөлләр үстерәбез, аларның исемнәрен дөрес әйтергә, бер - берсеннән аера , исләреннән таный  һәм  файдалы үзлекләрен әйтә белергә өйрәнәбез. Һәр көнне табигать почмагында хезмәт белән шөгыльләнү өчен дежурлар билгелибез.Алар, тәрбияче апабыз белән берлектә гөлләрне тәрбиялиләр: су сибәләр, төпләрен йомшарталар, яфракларының  тузаннарын сөртәләр, кипкән яфраклардан чистарталар. Шулай итеп, без бакчабызны ямьләндерүгә үз өлешебезне кертәбез. Балаларның бу кечкенә генә хезмәте экологик тәрбия бирүгә төп нигез булып тора.