Безнең төп бурычыбыз - балаларны рухи яктан бай һәм физик яктан сау - сәламәт  итеп үстерү. Аны тормышка ашыру юллары төрле.Шулар арасында иң әһәмиятлесе - уеннар. Уен бала эшчәнлегенең, тормышының аерылгысыз өлеше. Алар балаларны уйланырга,эзләнергә, фикер тупларга, берләштерергә, күнекмәләрне, гадәтләрне тормышта кулланырга өйрәтүче һәм тәрбия бирүче чараларның берсе. Балалар белән өйрәнергә җайлы булсын өчен, мин аларны 3 төркемгә бүләм:

1.Җырлы - биюле уеннар.

2.Татар халык уеннары.

3.Сөйләм телен үстерүче уеннар.

Уеннарның максаты:

- балаларда татар халкына хөрмәт һәм аны ярату хисе тәрбияләү;

- балаларның сөйләм телен һәм фикерләү сәләтләрен үстерү;

- халкыбызның рухи бай мирасы белән таныштыру;

- татар халкы белән горурлану хисләре тәрбияләү.