21нче апрель көнне мәктәпкүләме линейкада Халыкара һәйкәлләр һәм тарихи урыннар көне уңаеннан укучылар игътибарына чыгыш тәкъдим ителде. 6нчы класс укучылары тарафыннан әзерләнгән “тере күргәзмә” чыгышы кызыклы, мавыктыргыч үтте. Балалар тарихи урыннар, һәйкәлләр турында мәгълүмат алдылар, андый урыннарга игътибар, саклы караш кирәклегенә төшенделәр. Чыгыш ахырында күп сандагы тарихи романнар авторы язучы М.Хәбибуллинның ничек итеп тарихка кереп китүе турында истәлек язмасы укылды. Анда түбәндәге юллар бар: “Адәми зат, әгәр үз халкы белән горурлангандай тарихы барын белмәсә, туган туфрагын, милләтен дә танымый башлый. Аның ныклыгы тою өчен төпле терәк кирәк. Тарих, үз халкыңның тарихы шундый терәк ул.”