20 нче гыйнвар көнне Арча 7 нче номерлы урта мәктәбендә Татарстанның халык язучысы фольклорчы Гомәр Бәшировка багышланган “Туган ягым – яшел бишек” I Районара Бәширов укулары узды. Гомәр Бәшировның иҗатын тирәнтен өйрәнүне күздә тоткан әлеге чарада безнең мәктәбебездән татар теле һәм әдәбияты укытучысы Хәмидуллина З.Я. ,8-9 нчы сыйныфтан өч укучыбыз катнаштылар.Бу укучыларыбыз фәнни-гамәли конференциянең төрле номинацияләрендә чыгыш ясадылар.Арча муниципаль районы “Мәгариф идарәсе” муниципаль учреждениесенең милли мәсьәләләр буенча методисты Мостафина Энҗе Габдуллатҗан кызы мондый фәнни-гамәли конференцияләрдә катнашу,чыгыш ясау укучыларда максатчанлык,төгәллек,җаваплылык һәм ихтыяр көче тәрбияли дип белдерде. “Туган ягым табигате” рәсем номинациясендә 5 нче сыйныф укучылары АбдуллинР.,Абдуллин Ф., Кәримова Э., Шәмсетдинова З. актив катнашып лауреат дипломы алдылар. 8 нче сыйныф укучысы Шәмсетдинов И. Гомәр Бәширов әсәреннән өзекне яттан сөйләп, ә 9 нчы сыйныф укучысы Йосыпова Д.үзе башкарган эзләнү эше белән 3 нче урын яулап , диплом һәм истәлекле бүләкләргә лаек булдылар. 8 нче сыйныф укучысы Йосыпова А.туган авылыбызның елга-күлләре,чишмәләре турындагы эзләнү эшен сөйләп,лауреат дипломы , истәлекле бүләк алды. Әлеге бәйрәм-чара матур җырлар, күңелле биюләр белән үрелеп барды. Барлык катнашучыларга да бик ошады.