Бүген башлангыч класс укучылары, Россиядә “Халык сәнгате һәм мәдәни мирасны саклау елы” уңаеннан, авыл Мәдәният йортында оештырылган “Һәр җәүһәрдә – халкым тарихы” исемле чарада катнаштылар. Алар анда оештырылган күргәзмә белән таныштылар. Китапханәче Раушания апалары һәм авылыбызның Мәдәният йорты җитәкчесе Илсөя апалары аларга милли җәүһәрләр, аларның тарихлары турында сөйләделәр, Наилә апа башкаруында бишек җырын тыңладылар. Бу кичәнең максаты: укучыларыбызны милли җәүһәрләребез һәм аларның тарихлары белән таныштыру, милли җәүһәрләрнең кыйммәтле мирас икәнлегегенә төшендерү, аларны сакларга кирәклеген ассызыклау.