7 октябрьдә район Мәдәният йортында Укытучылар көне уңаеннан район мәгариф хезмәткәрләрен хөрмәтләү тантанасы булды. Тантанада катнашучыларны район башлыгы Илшат Нуриев тәбрикләде, фидакарь хезмәтләре өчен рәхмәт әйтте, сәламәтлек һәм уңышлар теләде.Мәгариф алдынгыларын, төрле өлкәләрдә уңышларга ирешүчеләрне сәхнәгә чакырып хөрмәтләделәр. Мәктәбебез коллективы чәчәкләр күргәзмәсен оештырган өчен 2 нче дәрәҗә Дипломга лаек булды. Мәктәбебезнең татар теле һәм әдәбияты укытучысы Хәмидуллина Зөлфия Ясәви кызы мәгариф системасындагы нәтиҗәле хезмәте өчен Татарстан Республикасы Мәгариф һәм фән министрлыгының Мактау грамотасы белән бүләкләнде. Хезмәттәшләребезне лаеклы бүләкләре белән котлыйбыз. Нык сәламәтлек,яңа иҗади казанышлар, бәхет телибез.  Район сәнгать мәктәбе әзерләгән чыгышлар белән үрелгән матур бәйрәм һәр укытучының күңеленә хуш килде.