Укытучылар көне уңаеннан мәктәбебездә “Сез иң гүзәл кеше икәнсез” дип аталган әдәби – музыкаль-интеллектуаль чара оештырылды. Бәйрәм чарасының максаты – укучыларда укытучы һөнәренә карата кызыксыну, укытучыларга хөрмәт, ихтирам хисләре тәрбияләү, сәләтле укучыларны барлау, аларга үз осталыкларын күрсәтергә мөмкинлек тудыру. Чарада 8 - 9 нчы класс “Белемлеләр”командаларына берләшеп, уку фәннәренең төрле өлкәләренә, мәктәп тормышына караган сорауларга җавап бирделәр, урыннары буталган хәрефләрдән сүзләр төзеделәр, укытучыларга үзенчәлекле котлауларын шигъри юлларга салып ирештерделәр. Ярыш берничә турдан торды, һәрбер тур җыр, бию, нәфис сүз белән чиратлашып барды. Укучыларның милли киемнәрдә чыгыш ясаулары бәйрәмгә ямь өстәде.