7 нче класс укучылары белән “Туган телләр һәм халыклар бердәмлеге” елы кысаларында үткәрелгән чираттагы класс сәгатенә 5 нче, 6 нчы сыйныф укучыларын да чакырдык. Әңгәмә балаларга атап чыгарыла торган “Сабантуй” һәм “Салават күпере журналларының март ае саннарында чыккан материаллар белән танышуга багышланды.

Аерым алганда, “Милли сәяхәт” бәйгесе материалларына игътибар иттек. Бу санда украин халкы турында мәгълүмат бирелгән.Әлеге халыкның саны, милли киемнәре, милли ризыклары, бәйрәмнәре турында кызыклы язмалар бар. Бирем буларак, украин халкы табышмагының җавабын табарга кирәк. Журналда балалар өчен шигырьләр, бәйге шартлары (“Шәвәли премиясе”), “Зирәкләр, тапкырлар клубы” биремнәре, хикәяләр, уен сәгате, тест басылган.

“Салават күпере” журналы материаллары мәктәпкәчә яшьтәге балаларга (өлкәннәр тарафыннан балаларга уку өчен) һәм кече яшьтәге мәктәп балаларына буш вакытларын файдалы үткәрү өчен тәкъдим ителә.

Шунысы әһәмиятле: әлеге журналлар татар балалары өчен туган телебездә басылган затлы журналлар.

     С учащимися 7 класса провели классный час “У нас в гостях – детские журналы”. Познакомились материалами мартовских номеров журналов “Сабантуй” и “Салават күпере”. Особое внимание уделяли на задания конкурса “Национальное путешествие”, связанные с традициями, праздниками, национальными одеждами и кухней украинского народа. Классный час посвящён “Году родных языков и народного единства”.