Чыгарылыш сыйныф укучылары белән профориентацион эш план нигезендә эш дәвам итә.7 укучы Арча агропромышленность һөнәри колледжында оештырылган “Ачык ишекләр көне”ндә катнашып кайттылар. Балаларга җитәкче итеп билгеләнгән укытучы Хәмидуллина З.Я. сүзләренә караганда, әлеге чара укучылар өчен бик файдалы булды. Уку,яшәү, кабул итү шартлары турында бай мәгълүмат бирелде. Гомумән, әлеге уку йорты уңай якка зур үзгәрешләр кичерә.Узган елгы чыгарылыштан ике укучыбыз-Заляев Илмир, Хөсәенов Рәмис- шушы колледжта белем алалар. Әти-әниләр дә мондагы укытудан, тәрбиядән канәгатьләр. Һөнәрле булуның әһәмияте арта барган заманда Арча агропромышленность һөнәри колледжы кебек уку йортларының булуы укучылар өчен дә, әти-әниләр өчен дә куанычлы хәл. Анда эшләүче укытучыларга, тәрбиячеләргә, техник хезмәткәрләргә эшләрендә иҗади уңышлар, саулык-сәламәтлек телибез.