Республикабызда,  быелдан,  зур әһәмияткә ия булган тарихи вакыйганы  каршыларга  җыеналар. 2020 елда   газиз республикабыз - ТАССР оешуга 100 ел булачак. 100 ел эчендә туган  төбәгебезнең  үсешендә  иң  мөһим  зур  казанышларда, кире кайтарып булмаслык  югалтулар да булган. Татарстаныбызның  шушы данлы һәм каршылыклы  тарихын  белү безнең  изге  бурыч  булып  тора. Шул уңайдан районыбызда “ ТАССР га – 100 ел”  темасы астында зур чаралар оештырыла башлады. 29 апрель  көнне  Яңа Кенәр  мәктәбендә,  шушы  истәлекле  вакыйгага  багышлап,  Р. Халитов исемендәге III районара һәм VII мәктәпкүләм “Татарстан – туган  йортыбыз”  фәнни- гамәли укучылар конференциясе булып  үтте. Районыбыз  укучылары бу  конференциядә Совет Татарстанының  тарихына,  икътисади- социаль үсешенә, милли- рухи  халәтенә  багышланган тирән  эчтәлекле  эзләнү  эшләре  белән  чыгышлар ясадылар. Тубән Аты төп  гомуми  белем  бирү мәктәбенен 7 класс укучысы Шәмсиева   Алинә  “Татар Республикасы беренче унъеллыкларда: казанышлар һәм  югалтулар” дигән темага эзләнү  эше  башкарган (Җитәкчесе тарих укытучысы Кашшапов Ф.Х.) иде. Ул конференциянең “Татарстан АССР тарих  битләрендә” секциясе эшендә  катнашып үз проектын уңышлы яклап  чыкты һәм  3 урынны алды. Дәрәҗәле Диплом белән  бүләкләнде. Алинәгә  шушы  җиңүе өчен зур рәхмәтебезне белдерәбез. Яңа уңышлар сиңа, Алинә!