М.Галәүнең тууына 130 еллыгына багышланган чаралар дәвам итә. 2016 нчы елның 11 нче ноябрендә Казан шәһәренең Татарстан Дәүләт музеенда М.Галәүнең шушы юбилеена багышланган чара булып узды. Кызыклы очрашуда М.Галәүнең оныгы Олег Надирович Галаветдинов һәм оныкчыгы Анастасия Олеговна да катнаштылар. Алар архив материаллары, бабалары турында яңа материаллар алып кайтканнар.

     Очрашуның икенче өлеше 12 ноябрь көнне Ташкичү мәктәбендә узды. Кунаклар Галәветдин бабайның кабере янында зиярат кылдылар, төп нигездә булдылар, М.Галәүнең эзе калган мәчеткә керделәр.  Мәктәптә кунакларга М.Галәүне искә алу кичәсе күрсәттеләр, әсәрләренән өзекләр куйдылар. Үз чиратында, Олег Надирович һәм Ансастасия Олеговна укучыларны бабалары М Галәүнең язмышын, үлемен ачыклаучы яңа архив материаллары белән таныштырдылар, истәлек медале тапшырдылар. Кичә милли рухта үтте. Кунаклар белән очрашуда безнең мәктәпнең тарих укытучысы Кашшапов Фәнил дә катнашты, аларны бабаларының туган җире белән таныштырды. Кунаклар Ташкичү авылына кайтуларына канәгать калдылар.