Әлеге күркәм чарага уку алдынгылары, активистлары Чыршы бәйрәменә җыелды.

Буген Казанның "Татнефть-Арена" боз сараенда бик яхшы билгеләренә генә укучылар, активистлар, волонтерлар, төрле бәйге, олимпиадалар җиңүчеләре өчен Президент елкасы үтте. Мәктәбебез  укучылары Галиев И. һәм Хамидуллина К. бу  елкада катнашу бәхетенә иреште.

Бүген мәктәбебезнең актлар залында башлангыч сыйныфлар өчен Яңа ел бәйрәме үтте. Балалар Кыш бабай белән Кар кызына үзләренең төрле осталыкларын күрсәттеләр. Күңелле уеннар уйнадылар.

                           Яңа елга яңа юлдан,

                           Нык басып бердәм керик.

                           Иң изге, саф теләкләрне

                           Бер-беребезгә телик.

                           Яңа бәхет, зур уңышлар

                           Алып килсен яңа ел.

                           Шатлык белән үтсен һәр көне,

                           Котлы булсын, Яңа ел.

5 нче сыйныф укучылары тыл ветераны Рауза апаны якынлашып килүче Яңа ел бәйрәме белән котладылар. Рауза апа бик шатланды,үзенең рәхмәтләрен җиткерде.

Мәктәбебез укучылары "Яңа ел тәрәзәләре" акциясендә актив катнаштылар.

Макулатура җыюда укучылар актив катнаша. Ахырдан нәтиҗә ясап, җиңүче сыйныфларны, актив укучыларны билгелибез, аларга бүләкләр тапшырабыз.

Укучыларда гражданлык, патриотик хисләр тәрбияләү, Россия халыкларының үткәненә һәм традицияләренә сак караш, җәмгыять кыйммәтләрен һәм шәхеснең мөһим сыйфатларын формалаштыру максатыннан, тарих һәм җәмгыять белеме укытучысы Хабибуллина Г.Ш. Россия Конституциясе көненә багышланган " Без бөек Россия гражданнары"  дигән чара үткәрде.