22 апрель көнне татар теле әдәбияты укытучысы Ганиева Р,С., Сәлахова Л. Х. китапханә мөдире Сафина В.Ф. - 2, 4,  5, 9 сыйныф укучылары белән берлектә 7-8 сыйныф укучыларына  “Тукай -безнең күңелләрдә”  дип исемләнгән әдәби – музыкаль  кичә күрсәттеләр. Бу кичәдә укучылар шагыйрьнең тормыш юлы белән таныштылар, әсәрләрен сәхнәләштерделәр, шигырьләренә язылган көйләрне җырладылар, дәртле биюләре белән кичәне бизәделәр. 9 нчы сыйныф укучылары  әзерләгән кичәдә Г.Тукайның “Шүрәле”, “Су анасы”, “Кәҗә белән сарык” әкиятләрен сәхнәләштереп, яшь тамашачыларыбызга җиткерделәр. Кичәдә катнашучы укучылар үзләренең осталыкларын бик теләп күрсәттеләр, хәтта герой киемнәрен дә үзләре тектеләр. Караучы яшь тамашачыларыбызга бу кичә бик ошады, канәгать булып калдылар.