Бүген интернет тормышыбызга шул кадәр нык итеп килеп керде, хәтта аннан башка тормышны күз алдына китерү дә авыр. Әлбәттә, интернет күп кенә эшләрне җиңеләйтте. Әмма уңай якларыннан тыш, күп кенә тискәре яклары да килеп чыкты. “Куркынычсыз интернет” атналыгы уңаеннан мәктәбебездә «Интернет - дусмы, дошманмы?» исемле дәрес үтте.Төп максат булып, интернетның файдалы, зарарлы яклары белән таныштыру торды. Балаларга  интернет турында күп мәгьлүмат бирелде, компьютер каршында озак утыру кеше сәламәтлеге өчен зарарлы булуы турында тирән эчтәлекле чыгыш ясалды. Интернетта утырган вакытта аларга куркынычсызлык кагыйдәләре  турында да аңлатылды. ”Безопасность в интернете” исемле презентация күрсәтелде,бергәләп фикер алышынды, соңыннан әлеге тема буенча викторина уздырылды. Балаларның бу темага карашлары фикерләре тыңланды. Нәтиҗәдә укучылар бик күп файдалы мәгьлүмат алды, үзләрен борчыган сорауларга жаваплар тапты.