Карусели, карусели,
Сели, сели,полетели,
Завертелись, закрутились,
Зажужжали, покатились!..

1 июнь - Халыкара балаларны яклау көне уңаеннан районда балалар Сабан туе узды. Балалар әти-әниләре белән иртәдән үк мәйданга ашыкты. Кайдадыр уен уйнаталар, кайдадыр җыр тавышы ишетелә, кайдадыр өздереп бию көйләре агыла... Безнең бакча балалары да, читтә калмыйча, бәйрәмдә үз чыгышларын күрсәттеләр. Ә мәктәп бусагасын беренче тапкыр атлап керүче 13 балабыз "Свияга" берләшмәсе тарафыннан бирелгән мәктәп-кирәк-яраклары тутырылган портфельләр алдылар.

       Бүген бакчабызда иң истәлекле, тантаналы, шатлыклы, шул ук вакытта бераз моңсу да булган бәйрәмнәрнең берсе чыгарылыш кичәсе үтте. Матур итеп киенгән малайлар һәм кызлар үзләренең бакчада алган белемнәрен күрсәттеләр, үзләрен акыллы, уңган, зирәк итеп таныттылар. Аларның матур итеп шигырь сөйләүләре, оста җырлаулары, килешле итеп биюләре һәркемнең күңеленә хуш килде.

      Чыгарылыш төркеме балаларын кечкенә дуслары да бәйрәм белән котладылар. Бакча мөдире Мөнирә Исхаковна ак юллар, уңышлы уку теләп, грамоталар һәм бүләкләр тапшырды. 

      Аннан балалар бакча бусагасын атлап чыгып, төсле шарларны зәңгәр күккә очырдылар. Шулай итеп алар балачак иле белән саубуллаштылар.

Бүген "Алтын Алка" боз сараенда "Күңелле старт" уеннары үткәрелде. Уенда биш команда катнашты. Безнең бакча балалары 3 урынга лаек булдылар. Котлыйбыз!

Бүген "Каратун "Гөлчәчәк" балалар бакчасында "Иң яхшы мастер-класс" бәйгесенең йомгаклау этабы үткәрелде. Әлеге бәйгедә безнең бакча тәрбиячеләре дә (Гатауллина А.Р., Миннуллина Л.А.)  үз тәҗрибәләре белән уртаклаштылар. 

15 май - Халыкара гаилә көне. Шул уңайдан бүген зурлар төркеме балалары белән "Гаилә" темасына әңгәмә үткәрелде. Максат. Әти-әниләргә мәхәббәт, игътибарлы мөнәсәбәт, шәфкатьлелек тәрбияләү, аларның олы зат булуын төшендерү. Балалар белән әти-әни арасын тагын да якынайту.

Җиргә тагын килә ямьле язлар,

Тарихларга уелып кала еллар.

Хәтерләрдә мәңге сакланырлар

Ветераннар узган авыр еллар.

Җиңү язын безгә китердегез

Сезгә - шөһрәт, сезгә - мәңге дан!

Һәр яз шушы һәйкәлгә киләбез

Сезгә рәхмәт әйтеп баш иябез,

Онытмый сезне Ватан.

Районда бара торган чисталык икеайлыгы кысаларында, бакчабыз территориясендә чистарту-җыештыру эшләре бара.

Бакчабызның балалар мәйданчыгы өчен яңа җихазлар кайтартылды. Аларны урнаштыруда әтиләрнең өлеше бик зур булды.  

Бүген балалар бакчасында Г.Тукайның туган көне уңаеннан "Тукай безнең күңелләрдә" исемле шигырь бәйрәме булып узды. Балалар шагыйрьнең шигырьләрен сөйләделәр, әкиятләрен сәхнәләштереп күрсәтеләр. Бәйрәм ахырында бергәләшеп "Туган тел" җырын җырладылар.