Бүген, шимбә көнне мәктәп һәм балалар бакчасында йөрүче әти-әниләр белән берлектә зур җыелыш булып узды. Җыелышта янгын сүндерү идарәсенең өлкән инспекторы Кашапов Р.Р, ПДН инспекторы Сибгатуллина Р.Р., авыл фельдшеры Хасанова М., участковый, әти-әниләр комитеты җитәкчесе Шайхеева С.Ф. катнашты.Җыелышта сүз укучыларның  туклану мәсьәләсе, язгы каникул чорында үз-үзләрен тоту кагыйдәләре белән таныштырылды. Яшүсмерләр арасында закнсыз митингларга катнашмаска, Интернет челтәреннән тиешенчә файдалана белергә һәм  башка мәсьәләр каралды. Шулай ук беренче сыйныфка укырга керүче балаларга  нинди таләпләр булуы да аңлатылды.

Әнәле мәктәбенең укучылары бүген якынлашып килүче 8 март бәйрәме уңаеннан әниләрен,дәүәниләрен һәм укытучы апаларын бәйрәм белән котладылар. 8 март-ул язның иң түәге бәйрәме генә түгел,ә җиһанга наз һәм  мәхәббәт бирүче Әниләребез бәйрәме дә. Саулык,сәламәтлек, күңел тынычлыгы сезгә кадерле хатын-кызларыбыз. БӘХЕТЛЕ БУЛЫП ЯШӘГЕЗ!

Дөньяда җиде меңгә якын тел бар. Шуларның сиксән өче киң таралган. Ә өч йөз сиксән өч тел бөтенләй юкка чыгарга мөмкин. Татар теле –ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор.Шул уңайдан мәктәбебездә балалар туган  әдәби-музыкаль кичә үткәрделәр.

Балалар бакчасына йөрүче нәниләр күңелендә милли үзаң тзрбияләү, балачактан ук туган телгә, гореф-гадәтләргә карат ихтирам хисе үстерү максатыннан  һәм Татарстан Республикасында туган телләр һәм халыклар дусылыгы елы уңаеннан  Әнәле балалар бакачасында  бишек җырлары тыңлау,җырлау чарасы булып узды.

Туган телләр һәм халыклар бердәмлеге елы уңаеннан бакча балалары Г.Тукай шигырьләрен яттан  рольләргә кереп сөйләделәр

Республикада 2021 елны Туган телләр һәм халыклар бердәмлеге елы дип игълан ителде. Бу уңайдан мәктәп һәм балалар бакчасында ел буена төрле дәрәҗәдәге чаралар узыдыралачак. Беренчесе балалар бакчасында йөрүчеләр татар телендә чыккан, Г.Тукай әсәре буенча төшерелгән, мультфильмнар карадылар.