Татар халык уеннары балаларның иң яраткан шөгыле. Ул уеннар тизлеккә, зирәклеккә, җитезлеккә өйрәтә.

Дусларым, килегез,

Яңа йортны күрегез.

Менә бусы- ишеге,

Рәхим итеп керегез! 

Шатлыклар күңелебездә,

Ал кояш күгебездә.

Килегез, дуслар, кунакка

Сабантуй бүген бездә!

Апрель ае – бөек шагыйребезнең туган ае, шигърият ае. Бүген без Г. Тукайның туган көнен бәйрәм итәргә җыелдык. Бүген бездә бәйрәм!

Салкын кышлар үтеп яз килгәндә,

 Җылы якка кошлар кайтканда

Туган көнең синең бөек Тукай,

 Олысы да, кечесе дә итә тантана.

Тукай әсәрләрендә яраткан "геройларыбыз". Максат : Г.Тукай белән кызыксыну, аны олылау, шагыйрьгә чиксез хөрмәт, рәсемнәре һәм әсәрләре аша балаларда бу шәхескә ихтирам һәм соклану хисләре, шагыйрьнең иҗатына карата кызыксыну тәрбияләү.(Ата-аналар бик теләп катнаштылар, рәхмәт Сезгә!)

Г.Тукай үзенең “Су анасы” “Шүрәле”әсәрләрендә балаларны гаҗәеп серле табигать дөньясына алып керә.Матурлык дөньясын тою балаларда гүзәллеккә омтылыш хисе уята.”Шүрәле” әсәре аша балаларда кешегә,аның акылына,зирәклегенә,хәйлә катнаш тапкырлыгына,кыюлыгына һәм батырлыгына соклану хисе уяна.

Г.Тукайның “Шүрәле” әкиятен уку, пластилиннан әкият героен әвәләү.

Татар халык шагыйре Габдулла Ту­кай — әдәбиятыбыз күгендәге иң якты, иң кадерле, иң газиз шәхесләрнең берсе.

Максат: Г.Тукайның иҗат һәм тормыш юлы турындагы белемнәрне тулыландыру, ныгыту. Тукай шигырьләре, әкиятләре аша туган илгә, хезмәткә, табигатькә мәхәббәт тәрбияләү.