Без 5-декабрь  көненә Казаннан телевидениегә чакыру алдык.  Санаулы көннәр бик тиз үтте. “Кызыл Тау кызлары” командасы  “Тамчы шоу”  интеллектуаль телевизион уенында катнашу өчен юлга чыкты. Без район, яраткан мәктәбебез данын якларга барабыз. Бу хис бик дулкынландырды, шул ук вакытта зур горурлык та иде.

         Уенга 1 сәгать кала, карша як командабыз Кайбыч районының Кошман мәктәбеннән “Сәгыйди оныклары” булуы билгеле булды.  Алар инде берничә уенда катнашып җиңү яулаган төркем икән.

         Уен бик киеренке рәвештә барды. Без бирешмәдек һәм кыйбычлыларны җиңдек! Телестудияне күрү, алып баручы Марсель абый белән танышу, мәртәбәле жюрида композитор Илдар Ханның үзен күрү онытылмаслык мизгелләр булып безнең йөрәкләрдә калды. Җиңүче төркем булып кайтуның ләззәтен сүз белән генә аңлатып бетереп булмый. Безне өйрәтүче җитәкчеләребез Шәрәфуллина Г.М.-га, Ваһапова Г.М.-га безнең рәхмәтебез чиксез.   

      “Кызыл Тау кызлары” төркеме исеменнән

командир  Нуриева Сөмбел.