12 нче февраль көнне Кызылтау урта мәктәбе каршындагы берникадәр мәйдан укучыларның шат, яңгыравыклы көч биреп тору авазларыннан гөр килеп торды. Биредә, совет гаскәрләренең Әфганстаннан чыгарылуына 24 ел тулу уңаеннан, чаңгы ярышы булып узды.  Барлык укучылар да актив катнашырга тырыштылар, урыннар укучыларның яшь үзенчәлекләренә карап, кызлар һәм егетләр арасында чыгарылды. Бшлангычлар арасында егетләрдән- 4 класс укучысы Хәйбуллин И., кызлардан-  шул ук сыйныфтан Җәләлиева Д. беренчелекне алды. 5-6 сыйныфлар арасында беренчелекне егетләр арасында Салаватуллин А., кызлардан- Вәлиева Г. башкаларга бирмәде.  7-8 сыйныфлар арасында беренчелектә   8 сыйныф укучылары    Җәләлиев Динар белән  Нуриева Сөмбелгә тиңнәр табылмады. Югары сыйныфлар арасында беренче урын 10 сыйныф укучысы Фәсхиев Наилгә һәм Шәрәфуллина Р.гә булды.

            Әзерлекле яшь чаңгычылар ярыштан бик канәгать калдылар һәм, элбәттә, мәктәпкүләм линейкада грамоталар белән бүләкләнделәр. Котлыйбыз!