Бүген мәктәбебездә районыбызның туган (татар) тел һәм әдәбияты укытучылары һәм Татарстан Республикасы Язучылар берлегеннән язучылар катнашында “Очрашулар кирәк безгә, очрашулар...” дип исемләнгән республика семинары узды. Мәртәбәле кунаклар – якташыбыз, шагыйрә, прозаик, публицист Гөлнур Айзетулова (Гөлнур Айзат), балалар шагыйрәсе Арсланова Рәхимә Минвәли кызы, җаваплылыгы чикләнгән «Белем.ру» оешмасы директоры, «Татнетны үстерү фонды» коммерцияле булмаган җәмгыятен оештыручы һәм башкаручы директоры, кызыклы һәм файдалы проектлар авторы һәм җитәкчесе Гатауллин Раил Мәүлет улы иде.
Туган телебезгә багышланган бай эчтәлекле, нык әзерлекле әлеге очрашу семинарда катнашучыларның күңелләрендә матур истәлек булып озак сакланыр, дигән өметтә калабыз.